Bláberja- og blóðbergssósa
(Hrönn Bjarnadóttir)

2 ½ dl bláber, gjarnan aðalbláber
1 dl púrtvín
3 msk timjanlauf (1msk þurrkuð eða e. smekk)
1-2 skalott-laukar, fínt saxaðir
1 msk smjör
1 l lambasoð
Salt og pipar
3 msk góð bláberjasulta
2 tsk maizenamjöl hrært út í 3 tsk vatni ( ég nota allt að tvöfalt meira...)
3 msk smjör

Leggið bláberin í skál og hellið púrtvíninu yfir og látið standa í um 1 klst. Léttsteikið skalott-laukinn, ásamt timjaninu upp úr smjöri. Hellið púrtvíns- og bláberjablöndunni yfir og látið sjóða. Hellið lambasoðinu út í og látið allt sjóða vel saman, a.m.k. þar til berin eru sprungin. Bragðið á og saltið og piprið að smekk. Hrærið smátt og smátt maizena-blöndunni út í, þar til hæfilegri þykkt er náð á sósunni. Hrærið þá bláberjasultunni út í og síðan köldu smjörinu smátt og smátt þar til sósan er orðin glansandi bláberjablá.
Bragðað til og e.t.v. þykkt meira