Linsu lasagne
(Margrét Vala Gylfadóttir)

Þetta lasagne er aldrei gert eftir uppskrift og því eru öll mál ágiskun ein. Skal eldað með innsæi og hjartanu.

Rauð sósa:
2-3 gulir laukar
3-4 gulrætur
2-3 hvítlauksrif
2 dl rauðar linsur
2-3 dl vatn
1 dós skornir tómatar
1 dós tomato sauce
5-6 msk. tomato pure
1 grænmetisteningar
ólífuolía
salt, svartur pipar, sykur, basilika, oregano, paprikuduft, chilli, cayanne pipar.

Laukurinn er skorinn smátt, gulræturnar rifnar og hvítlaukurinn rifinn eða pressaður. Látið mýkjast á pönnu í ólífuolíu. Linsunum bætt við ásamt vatni, grænmetistening og tómatgumsi. Látið sjóða þar linsurnar eru tilbúnar (35-45 mín). Kryddað (örlítll sykur dregur fram tómatbragðið).

Hvít sósa:
300-400 g kotasæla
3 dl rifinn ostur (hluti geymdur þar til síðast)
200 g frosið spínat
salt, hvítur pipar, múskat.

Spínatið er látið þiðna og vatnið kreyst vel úr því. Öllu blandað saman og kryddað.

Lasagne plötum er raðað á botnin í eldfast form. Því næst er sett rauð sósa, plötur, hvít sósa og plötur. Þetta er endurtekið þar til formið er fullt. Endað er á plötum, ofan á þær er stráð rifnum osti og að lokum er 1 dl af mjólk hellt yfir allt saman. (Hér má frysta aukaformið sem er búið til því að uppskriftin er aldrei gerð minni en tvöföld.) Bakað í ofni í ca. 40 mínútur.